طريقة حماية الاطفال من التحرش

 

نظرا لانتشار التحرش الجنسي وخصوصا التحرش بالاطفال وبعد انتشار عدة واقعات تحرش بالأطفال

هنقدم نصائح للامهات ازاى يعلمو ولادهم وبناتهم ازاى يحمو نفسهم من التحرش وازاى نعودهم يبلغو لو حصلهم تحرش وكمان فى اخر المقالة هيكون فيه نوع تحرش جديد معظم الامهات مش بتاخد بالها منو

اولا على كل ام لازم تفهم الطفل الصغير معنى التحرش

هنوضح للطفل ان دى حاجة عيب او حرام بنفس الطريقة اللى بنفهمهم بيها ان السرقة او الكدب عيب وحرام وان اللى بيعمل كدة دة بيكون شخص مش كويس ولما يشوفو كدة لازم يبلغوكم فورا ولازم يتعاقب عشان ميعملش كدة تانى وبكدة الطفل هيفهم انو اقوى من المتحرش ومش هيخاف انو يبلغ الاهل

ثانيا لازم الام تفهم اولادها ان جسمم ملك ليهم ومش من حق اى حد يلمسهم بطريقة سيئة وخصوصا اعضائهم التناسلية ولازم الطفل يتعود ان لو اى حد لمسه لازم يبلغ الاهل ويتعود انو ميخافش ويحس بالامان لما يتكلم مع الاهل فى حال تعرضه لتحرش

ثالثا مينفعش تجبرى الطفل انو يزور الاقارب لو هو رفض لانو وارد انو يكون اتعرض لموقف تحرش وخايف يقول للاهل

رابعا ممنوع تجبرى طفلك او تكلميه بصيغه الامر انو يقبل او يحضن حد معين حتي لو كانو من الاقارب عشان ميفتكرش الطفل انو دة عادى ويعملو مع اى حد او لما يتعرض للتحرش ولازم نحترم رغبات اطفالنا ونشجعهم على ده عشان لما يتعرضو للتحرش يبقو قادرين يواجهو المتحرش

خامسا امنعى عن طفلك اى مناظر مثيرة على الانترنت او التيلفزيون لان الطفل بيبقى فضولى وهيبقى عايز يجرب ده مع حد او فى المدرسة وهيبقى فريسة سهلة للمتحرش

سادسا نعلم الطفل ان مش من اى حد من حقو يشوف جسمو وبكدة اقدر احميه من التحرش بدرجة كبيرة 

ازاى تكتشف الام ان طفلها اتعرض للتحرش

علامات الجسدية

هتلاقى كدمات فى جسم طفلك بجانب الاعضاء التناسلية او شعور بألم عند التبول او التبرز او نزيف فى الاعضاء التناسلية

علامات نفسية

احساس الطفل بخوف مبالغ فيه او يفقد شهيته عن الاكل او يلعب بالدمي بطريقة سيئة او يكرر الفاظ بذيئة سمعها من المتحرش 

اما النوع الجديد من التحرش وهو التحرش الالكتروني

النوع ده من التحرش اكتر فئة بتتعرضلو الفتيات على هيئة رسائل او صور بذيئة او عن طريق صور مفبركة وطبعا لضعف خبرة معظم البنات بتتجواب البنت مع الشخص الابتزازى وتبدأ تنفز طلباته وده بيوقعها فى مصيبة اكبر 

وربنا يحفظ الجميع